ازاي نخزن القلقاس صح ونحفظ السلق والكسبره خضره

طريقة حفظ القلقاس

 

اولا ازاي نقشر القلقاس من غير ما يتغسل
بتقطعي الجزء العلوي مكان الاوراق وتبدأي تقشري زي البرتقال وبسكين حاده واحترسي حفظك الله
ولا تلمسي الجزء الي اتقشر ابدا وحينما تصلي لاكثر من نصف القلقاسه ضعيها على مكان الاوراق الي اتقشر
واغسيلي ايدك كويس جدا ونشفيها جيدا
وابتدي قشري الجزء الباقي وانت ماسكه القلقاسه من المكان الي اتقشر
وعند الانتهاء امسحيها بفوطه قطن كويس بحيث الجزء الي مسحتي به من الفوطه لا تستخدميه تاني
ابدأي في التقطيع بعمل قاعده للقلقاسه بقطع جزء من الحرف والجزء المقابل له كما هو موضح في الصوره
وقطعي الى حلقات متساوية السمك وقطعي كل جزاء لاصابع بالطول ثم بالعرض كما هو موضح
وعلشان تتفادي مكعبات الجناب الصغيره رجعي الاصابع الصغيره للخلف كما هو موضح في الحلقه المقطعه مكعبات
وضعي المكعبات مباشرة في كيس تلاجه والكميه حسب احتياجك واقفليها كويس جدا واحفظيها في الفريزر وبدون اي اضافات
طريقة حفظ السلق
قطعت اوراق السلق مع كسببره خضره وعودين شبت
وغسلته وسيبته اتصفى كويس جدا وحمرته في سمنه مع توم سليم وضربته في معد الطعام ووضعته في علبه استانلس وحفظته في التلاجه
 جروب وصفات لولا عمتى