حمام محشى بالفريك ورز معمر

---

اول حاجة طبعا ننقع الفريك فى مية من قبلها بساعتين



وبعد كدة نصفى الفريك من المية ونحطه فى مصفى ينزل المية

نقلب بصلة على النار فى حتة سمنة ولما يبقى لونها بمبى يكون

مقطعين كبد وقوانص الحمام نحطها عليها ونقلبها شوية زى الصور

وبعد شوية ننزل بالفريك ونقلب شوية

نضيف له شوية مية بحيث يكون نص سوا او 3\4 سوا

طبعا الحمام يكون مغسول بدقيق ومية وملح ونبدأ نحشي

وهنا بعد ماربطت الحمام بخيط عشان الفريك ميخرجش برة

بعد كدة نسلق الحمام بالطريقة المعتادة حلة وشوية صلصة وبصلة

ولما تغلى نسقط الحمام

ونسيبه تقريبا نص ساعة ولما يكون فى نص السوا نحط ملح وفلفل

ومستكة وحبهان لو متوفر

وهنا الحمام لما استوى وخرجته من الشوربة

وهنا لما حمرته فى سمنة بلدى وطلعته على مناديل

تانى حاجة الرز المعمر اول حاجة انا بحط لكل كوباية رز كوباية ونص لبن وده عيارى

بيخلى الرز حكاية ومظبوط اوى

انا عمات كوبايتين رز حطيت عليهم 3 كوبايات لبن

نحط اللبن فى صينية او برام ونسخنه ونحط ملح وفلفل اسمر ونظبط الحدق

ولما اللبن يسخن نسقط الرز ونقلب زى الصور

وكان عندى كبد وقوانص فراخ محوشاها سلقتها فى حبة مية وبصلة صغيرة اوى

وقطعتها وحطيتها على الرز وقلبتها فيه

ولما يغلى اللبن بالرز غلوة كدة نطفى عليه ونحط على وشه قشطة

انا كنت محوشة وش اللبن نفعنى زى كدة





وبعد كدة ندخله الفرن وده شكله لما استوى




منقول

• طريق عمل المحشى بكل تكاته
• أفكار رائعة بقشور الفستق
• كيكة الكريم كرامل بالصور
• اعملى سجادة من الصوف
• طريقة الكنافة بالقشطة
• كيكة على البتوجاز
• طريقة المكرونة فى الفرن