مصر زيرو |مدونة إجتماعية تهتم بكل مايخص المرأة

‏إظهار الرسائل ذات التسميات أطباق رئيسية. إظهار كافة الرسائل

0 فراخ تندوى كرسبي بالصور

السبت، 30 أبريل 2016 التسميات: أطباق رئيسية

حياة مصرية: فراخ تندوى كرسبي بالصور

منقول

تابع القراءة

0 طريقة البفتيك

الخميس، 5 نوفمبر 2015 التسميات: أطباق رئيسية

البفتيك

من صفحة
Loula shouma
اكلات زمان مع لولا شومان

باقطع بصل حلقات تخينه وادقها بايد الهون خفيف مع الملح تطلع ميتها
واتبل البصل بفلفل اسود وبهار لحم وملح وشوية خل فقط
لانى باعتمد على ريحة اللحمه المحمره في البفتيك وعلشان يفضل بلونه الوردي
باتبل شرايح البفتيك كويس واعملها طبقات فوق بعض علشان تشرب التتبيله
واقلبها مره او اتنين ونصف ساعه فقط

بانضف البفتيك تماما من البصل
وآخد البصل سوتيه في طاسه تيفال واسعه اعمله كرسبي
واحطه في قاع السيرفيس الي هاقدم فيه البفتيك بيدى ريحه حلوه جدا والكل بيحبه

واعمل التتبيله عباره عن
لكل كيلو بفتيك 3 بيضات وفنجان لبن وملح وفلفل اسود بسيط للقضاء على زفارة البيض

انزل البفتيك في البيض وعلى طول اطلع في البقسماط المبهر واضغط عليه كويس جدا وادخله التلاجه لا يقل عن ساعه

وابتدي احمر

في زيت علشان بيستحمل الحراره وما يتحرقش والزيت يصل لنصف شريحة اللحم فقط يعنى مش غزير

لو غزير هيفصل عن البقسماط ويتعوج
السمنه بتحرق البفتيك وتحتاج تغيريها كل شويه

باطلع البفتيك على ورق مطبخ وباعملها طبقات على ورق مطبخ علشان تمتص كل الزيت ويفضل سخن

واسيبه كده لقبل التقديم
واقدمه سخن فوق البصل الكرسبي وحواليه بطاطس بومفريت
وبالف صحه وعافيه

تابع القراءة

0 صدور فراخ ومكرونة بطريقة جديدة

الأربعاء، 4 نوفمبر 2015 التسميات: أطباق رئيسية

فراخ

المقادير :
كيلو صدور فراخ بدون جلد و عظم
توابل مونتريال ستيك
(((( دى عبارة عن:
2 م بقدونس ناشف مفروم
1 م شبت ناشف مفروم
ربع م توم بدرة و ربع م بصل بدرة
نص م زعتر و نص م فلفل اسمر )))))

كيس مكرونة صوابع
2 م زبدة و 2 م زيت زيتون
فصين ثوم مفرومين
نص كوب شربة فراخ
صلصة طماطم (2 م كبيرة +كوب ماء)
كوب كريمة طبخ ملح و فلفل حسب الرغبة
م كبيرة بقدونس طازة مفروم و 6 اوراق ريحان طازة مفروم

بعد ما تشطفى الفراخ كوبس هتحطيها بين ورق الطعام و هنضرب عليها غلشان حجمها يكبر و ترفع شوية

تبقى بالمنظر ده

هنتبلها بالبهارات من كل الاتجاهات و نتركها ساعة و بعد كدة نشويها
عندك طريقتين لو عندك شواية هتشويها على كل حنب 8 دقايق و لو معندكيش هتستخدمى طازة فيها م سمن و م زيت ويتون و اول ما يبدأوا يغلو هتحطى الفراخ 5 دقايق على كل جنب

هنسيبها على جنب

فى طاسة هتحطى 2 م الزبدة ز 2 م الزيت و معاهم التوم مع التقليب و قبل ما يحمر التوم هنضيف الشربة

سيبى الشربة تغلى فترة و فى الوقت دة قطعى الفراخ

و اول ما الشربة تغلى هنحط الصلصة

و بعد كدة الكريمة و الملح و الفلفل حسب الرغبة

وهتحطى النار و تحطى الريحان و البقدونس و تقلبى كويس و تضيفى المكرونة و تقدم فوقها الفراخ

صفحة شطرة ولهلوبة

تابع القراءة

0 فراخ مشوية بدبس الرمان وصوص الصويا

التسميات: أطباق رئيسية

المقادير

فرخة مقطعة اربع
م ملح و م فلفل
ربع كوب صوص صويا
ربع كوب دبس الرمان
بصلة متوسطة
جنزبيل و ليمونة

اسيياخ او شبكة لوضع الفراخ فيها

الطريقة

هتحطى كل المكونات فى الكبة او الفوود بروسيسور و تنعميهم خالص و تتبلى بيها الفراخ

علشان تحصلى على فراخ مشوية لذيذة و مايكنش فيها دم عند العظم
امسكى الورك و اكسرى المفصل اللى بين الدبوسة و باقى الورك
و ب سكينة اعملى شقوق داخل اللحم و تبليها كويس و خصوصا عندعظام الصدر
هتسيبى الفراخ فى التتبيله مش اقل من خمس ل ست ساعات و طبعا ممكن تتبليها قبلها بيوم

هتجيبى شبكة او تستخدمى الاسياخ و غالبا القطعة هتحتاج 2 سبخ علشان متلفش على نفسها و انتى بتيجى تقلبيها
هتشغاى ااشواية او البوتجاز من فوق فقط

و تسيبى الفراخ لغاية ما الجلد يتحمر كويس اوى و يبدأ يكش و بعد كدة تقلبيهم يستوو من تحت كمان
غالبا من ساعة ل ساعة و نص .....
و تقدم بالف هنا

صفحة شطرة ولهلوبة

تابع القراءة

0 عرق اللحمة الباردة

الثلاثاء، 3 نوفمبر 2015 التسميات: أطباق رئيسية

المقادير :

1 عرق لحمة بتلو أو كندوز وزن كيلو ونصف
5 فصوص ثوم لتتبيل العرق
ملح وفلفل اسود
1 ملعقة صغيرة بهار لحم
2 ملعقة كبيرة زبدة
2 ملعقة كبيرة زيت
1 بصلة متوسطة شرائح
ا جزره متوسطه
عود كرفس مقطع ان وجد
2 ملعقة كبيرة خل
2 ملعقة كبيرة صوص الصويا
3 ورق لورا
1 ملعقة صغيرة روزماري بودر

الطريقة

اربطي عرق اللحمة بالخيط وخرميه في اماكن متفرقة بسكينه رفيعه
احشىه بانصاف فصوص ثوم مدعوكه بملح وفلفل
وتبليه بالملح والفلفل وبهار اللحم من الخارج
واتركيه من بليل في التلاجه
دوبي الزبدة مع الزيت في إناء واسع على النار
شوحي عرق اللحمة حتى يحمر لونه ويميل للبني
ضيفي البصل والجزر والكرفس
اتركي الخليط على النار حتى تذبل الخضروات .
ضيفي الخل وصوص الصويا وورق اللورا والروزماري
مع قليل من الماء المغلي
تركي الخليط على النار حتى يغلي ووطي النار حتى تمام السوا
ارفعي العرق من السائل واتركيه يبرد تماما
فكي الخيط وبيتيه في التلاجه
احتفظي بصوص التسويه واهرسيه ناعم جدا
وصفيه في مصفاه واسعة الفتحات
قطعي العرق شرايح رفيعه وقدميه مع الخضار السوتيه
وبطاطس مقليه وزوقيه حسب زوقك
وصبي على وجه الشرايح جزء من صوص التسويه
وصبي الباقي في بوله وقدميه جنب العرق
وبالف صحه وعافيه

ملحوظه

ممكن رفع العرق بعد الغليان ووضعه في صينية فرن مع الخضروات والصوص وغطيه بورق الومنيوم
ودخلي الصينية في الفرن مع تقليبه كل شويه حتى تمام السوا
وارفعي ورق الالومنبوم قبل خروجه من الفرن ب ١٠ دقايق
ياخد لون جميل وينشف قليلا
وكملي باقي الخطوات

جرب وصفات لولا عمتى

تابع القراءة

0 عيش باللحمة وعيش بالبسطرمة وعيش بالسجق

التسميات: أطباق رئيسية

عيش باللحمة وعيش بالبسطرمة وعيش بالسجق

اوﻻ العجينة
3 مجات دقيق أبيض
2 معلقة كبيرة زيت ريتون
4 معلقة كبيرة لبن بودرة
1 معلقة كبيرة خميرة فورية
رشة ملح ورشة سكر
من مج لمج ونص مايه مغلية ودافية

الدقيق ع اللبن البودرة والملح والسكر والخميرة وتقلب وبعدين الزيت وتعجن بالمايه لحد ما تلم من ايدك وتنضف من بولة العجن
تقطع كور علي قد رغيف وترتاح في التﻻجة ساعة
ثانيا الحشو
الحمة مفرومة مش معصجة نية عليها بصل كتير مفروم صغير وبقدونس مفروم وطماطم مقشرة ومقطعة صغير اوي والملح والفلفل وجوزة الطيب واي توابل تحبيها
سجق مقطع ومتشوح في زيت مع فص توم مفروم طلعيه من الطاسة وعليه فلفل مقطع وطماطم

البسطرمة زي السجق
خدي كورة من العجين افرديها علي رخامة مرشوشة دقيق وحطي الحشو في نص الرغيف و5طي بالنص التاني واقفلي الجوانب وبلي ايدك زيت ورشي حبة سمسم وهكذا لحد ما تخلص كل الكور واخبزيها في فرن متوسط الحرارة وقلبي علشان يحمر من تحت واول ما يطلع غطية علشان يفضل طري ولو لقتيه ناشف بلي ايدك بشوية ميه ورشي عليه وقدميه مع مخلل زيتون او بطاطس شيبسي وبألف هنا وشفا

للشيف

Bosy Ali Elsharkawy

جرب وصفات لولا عمتى

مواضيع ذات صلة

بالظبط

طريقة عمل الفراخ الناجتس

حمام محشى بالفريك ورز معمر

طريق عمل المحشى بكل تكاته

مكرونة بالصلصة الحمرا

تابع القراءة

0 مكرونة بالصلصة الحمرا

التسميات: أطباق رئيسية

مكرونه بالصلصه الحمرا لشيف

loula shouman
المقادير

كمية مكرونه مناسبه لعدد افراد اسرتك
عصير طماطم
صلصة طماطم
قليل من السكر
فصين توم مقطعين صغير جدا
قطعة زبده
زيت
ملح وفلفل اسود
توم بودر جنزبيل بودر
شطه حسب الرغبه او هريسة الشطه

الطريقه
المكرونه من الوصفات اللي من الضروري وضع زبده في طهيها
حتى تحافظي على طراوتها وعدم تجليدها وبتضيف طعم رائع للمكرونه
بالمناسبه 3 وصفات لازم اضيف الزبده في طهيها الكبده والمكرونه والبيض
جهزي الصلصه بوضع الزيت والزبده بكميه مناسبه وفي اناء مناسب لكمية المكرونه
ضيفي عصير الطماطم وملعقه او اتنين صلصة طماطم
ضيفي رشة سكر لتعادل حموضة الطماطم
ضيفي الملح والتوم وباقي التوابل
اتركيها تتسبك شويه
وممكن تطفي عليها وتتركيها لعند تقديم المكرونه
في اناء سلق المكرونه ضعي الماء بدون اضافة ملح
اتركي الماء يغلي وضيفي المكرونه مع التقليب
جروب وصفات لولا عمتي ونصائح جدتي
وصفحة اكلات زمان مع لولا شومان
بعد ماتغلي بحوالي 4 دقايق ضيفي الملح
اما توصل 3/4 سوا ضيفي كبشة ميه من مية سلق المكرونه للصلصه
علشان تكمل سواها
ظبطي الملح وضيفي المكرونه بعد تصفيتها من الميه للصلصه
اتركيها تكمل سواها في الصلصه
وقدميها سخنه حسب زوق حضرتك مع سلطه خضراء
وبالف صحه وعافيه