مصر زيرو |مدونة إجتماعية تهتم بكل مايخص المرأة

الكتابه على الحيطان سواء الوان او حبر او رصاص بتطلع بمنتهى السهوله بسلك ناعم جدااا عليه نفطتين من بلسم الاكسجين تدعكى بالراحه الالوان بايد واليد التانيه فيها فوطه نظيفه تمسحى مش هتلاقى اى اثر لاى خطوط
بلسم الاكسجين من الصيدليه ب4ج الازازه وفى ارخص ومش خطر وملوش ريحه على الاطفال والحوامل وهو اللى بنحطه على صبغه الشعر وينفع للحوائط الزيت والبلاستيك

الناس اللى خايفه من بلسم الاكسجين بدون سبب لمجرد انه وصفه جديده ..المهم ما علينا دى وصفه تانيه لعيون البوتجاز ترشيها كلها نشادر وتحطيها فى كيس مقفول وسبيها فى البلكونه لان النشادر ريحته نفاذه جدااا وسبيها طول الليل هتلاقيها نضفت لوحدها والنشادر بيجى من العطار او سوبر ماركت كبير

نفس خلطه النشادر اعمليها لحوامل العيون

تنظيف مروحه السقف فى ثوانى بكيس مخده قديم بليه ميه وخل واعصريه ودخلى الريشه جواه من الناحيتين وامسحى واسحبى الكيس

نضفى اى خدوش على الشاشه باستيكه نضيفه بدون اى سوايل

الغسيل لو بيطلع من الغساله متشابك والقمصان مربوطه فى بعضها ومكمكم ومش معصور كويس هتعملى دوره غسيل فاضيه وتملى درج الغساله كوب خل وتشغليها وتسيبى الباب مفتوح طول الليل بعد ما تفصل طبعا و اعملى كوره من ورق الفويل قد كوره البينج بونج كده وحطيها مع الغسيل هتيطلع متفكك ومتهوى وملوش ريحه ومتخافيش مش خطر ومبتعملش حاجه

التلاجه السيلفر والبوتجاز والفرن البلت ان بيتلمع بزيت زيتون او زيت اطفال ولو فيه بقع صعبه حطى معلقه بيكربونات على سفنجه مبلوله وادعكى البقعه

صفحة ست بيت بس عصرية

تابع القراءة