كيكة البرتقال

كيكه البرتقال بمقدار كبير لزووم الاسبوع
شيف شمس الضحي...سعاد محمد
كيلو دقيق(6كوب دقيق) المج الزجاج
اربع كوب سكر
بصي هوا سكر يبقي نص الدقيق تمام يعني 6دقيق ليهم 3سكر كوب زياده ده ممكن.تستغني عنه بش عشان دي هشه جدااااااا مبيبنش سكر وممكن تحطي تلاته بس
10بيضات
كوب ونص سمن
اتنين باكو بيكنج بودر تاج الملوك او تلت معالق كباااار بيكنج بودر
ربع كوب خل
فانيليا
كوبين عصير برتقال او اكتر شويه


 
بضرب في خلاط البيض معةالسكر كتييير واحط فانيليا وحطيت روح الموز نقطتين من عند العطار او هايبر موجودة وضربت لحد القوام تقل في الخلاط حطيت كوب عصير برتقال والخل وكملت ضرب وحطيت السمنه وضربت تاني وجبت الدقيق نخلته وحطيت رشه ملح والبيكنج بودر وقلبت وحطيت الي في الخلاط كلوو وربيت بايدي والخليط كدا تقيل حطيت عصير شوي بشويه حطيت كمان كوب ونص لحد القوام ترفعيه تلاقيه مبيختفيش بسرعه ربيييت كتير ودهنت الصنيه زيت وعفرتها بدقيق ونفضتها وحطيت الخليط كلووو وهبدت الصنيه هبدة واحدة كدا عشان تتساوي وارتفاع الكيك عقله صباع قبل التسويه طبعا 


 
الفرن متسخن وشغال من تحت بس حطيت الصنيه علي شبكه في النص والحرارة 170 ومفتحتش الفرن غير بعد نص ساعه فتحت يدووب فتحه صغيرةجداااا اشوف شكله وكانت لسسه سبتها اخدت سااعه في الفرن لقيت ااجناب احمرت لون حلو كدا مش غامق اختبرتها بسكينه طلعت ناشفه واهم حاجة تختبريها من نص الصنيه لان دي اخر منطقه بتستوي استوت اقفلي تحت وبعدين شغلت شوايه دقيقتين كدا وانا فاتحة وشايفاها قدامي عشان متتحرقش وقفلت نار خالص فوق وتحت وكلوو وقفلت الفرن ربع ساعه تهدي خالص وفتحت باب الفرن لحد مابردت

جروب وصفات لولا عمتى ونصائح جدتى 

 

 

مواضيع ذات صلة

العاشوراء بأسهل طريقة

كيكة البرتقال بالتفصيل ومضمونة

شاتوه شوكلاته بطعم النسكافيه

كفتة الحاتى بكل تفاصيلها

المحشى بطريقة سهلة

طريقة عمل الجاتوه زى المحلات وبكل س...

تعالى اتعلمى سويسرول باسهل طريقة